බූවල්ලා

 🐙 බූවල්ලා කවච දරන පවුලේ එනම් මොලුස්කා වංශයට අයත් සාමාජිකයකු වේ.

🐙 බූවල්ලාට චූෂකර සහිත අඩු අටක් හිස වටා පිහිටා ඇත. මෙම අඩු වල සන්ධි නොමැති අතර ඒවා මාංශල වේ. මේ නිසා ඕනෑම දිශාවකට පහසුවෙන් හැසිරවිය හැක.

🐙 නමුත් මොවුන් හට භාහිර කවචයක් හෝ අභ්‍යන්තර කවචයක් නොමැත.

🐙 මෙලෙස කවච නොපැවතීම නිසා පහසුවෙන්ම ගොදුරු සැග වී සිටින ස්ථාන කරා ලගා වීමේ හැකියාව පවතී.

🐙 බූවල්ලාට ඉතා විශාල ඇස් පවතී.

🐙 දියුණු ස්නායු පද්ධතියක් හා විශාල මොලයක් මොවුන් සතුව ඇත.

🐙 සාමන්‍යයෙන් බූවල්ලෙකුගේ ශරීරයේ ස්නායු පද්ධතියට සම්බන්ධ නියුරෝන මිලියන 500ක් පමණ ඇතැයි සොයාගෙන තිබේ. මෙය සුනඛයෙකු ගේ පවතින ස්නායු ප්‍රමාණයට ආසන්න වශයෙන් සමාන වන අතර කොදු ඇට පෙළක් නොදරන එනම් (අපෘෂ්ඨවංශික) සතෙකු සතුව පවතින වැඩිම නියුරෝන ගණනට හිමි සත්ව කාණ්ඩය ලෙස බූවල්ලන් හැඳින්විය හැක.

🐙 බූවල්ලාගේ නියුරෝන වලින් තුනෙන් දෙකක්ම එහි අත්වල අඩු වල ඇති ස්නායු රැහැන් වල දක්නට ලැබේ.

🐙 මිනිසාගේ දෘෂ්ටිය තරම් ම දියුණු පෙනීමක් බූවල්ලන් හට ඇති බව සොයා ගෙන ඇත.

🐙 බූවල්ලා රංචු වශයෙන් නොව තනිවම වාසය කිරීමට ප්‍රිය කරයි.

🐙 කොරල් පර සහ මුහුදු පතුල ඇතුළු සාගරයේ විවිධ ප්‍රදේශවල බූවල්ලන් වාසය කරයි.


   

🐙 සමහරු අතරමැදි කලාපයේ ද තවත් සමහරු අගාධයේ ද ජීවත් වෙති.

🐙 බොහෝ බූවල්ලන් හට තම දේහ වර්ණය වෙනස් කිරීමේ හැකියාවක් ඇත. මෙම හැකියාව වේශාන්තරණය නම්වේ. මේ සඳහා ඔවුන්ගේ සම ආශ්‍රිත සෛල වල පවතින කුඩා තින්ත මඩි උපකාරී වේ. නමුත් එක් එක් බූවල්ලන් හට ඔවුන්ටම ආවේණික වූ වර්ණයක් ඇත.

🐙 විලෝපිකයින්ට එරෙහිව ආරක්ෂා වීමට උපාය මාර්ග අතරට තීන්ත නෙරපා හැරීම, සැඟවීම සහ තර්ජන සංදර්ශන භාවිතා කිරීම, ජලය හරහා සැඟවී ජෙට් යාන්ත්‍රණය මගින් වේගයෙන් ඉවතට    යෑමට ඇති හැකියාව සහ වංචාව පවා ඇතුළත් වේ.

🐙 සියලුම බූවල්ලා විෂ සහිත ය, නමුත් නිල් පැහැති වළලු සහිත බූවල්ලා පමණක් මිනිසුන්ට මාරාන්තික බව දැනට සොයාගෙන ඇත.

🐙 බූවල්ලන් තාමාගේම නිවහනක් ලෙස සාගර පතුලේ ඇති කුහර හෝ ගල්පර කොටස් වෙන් කර ගනී.

🐙 ඔවුන් ආහාර සොයමින් තම ප්‍රදේශයෙන් පිටව ගොස් අල්ලා ගත් ගොදුරද රැගෙන නැවත තම ගුහාවට පැමිණේ.

🐙 බූවල්ලන් කකුළුවන් , බෙල්ලන් වැනි කවචධාරීන් ආහාරයට ගැනීමට වඩාත් ප්‍රියතාවයක් දක්වයි.

🐙 සමහර විට බූවල්ලා ආහාරයට ගත හැකි ප්‍රමාණයට වඩා විශාල ගොදුරක් අල්ලා ගන්නා අතර මේ නිසා ගුහාව අවට බොහෝ විට මළ හා නොකැඩූ ආහාර ද්‍රව්‍ය වලින් වට වී ඇත.

          

🐙 මාළු, කකුළුවන්, මොලුස්කාවන් සහ තාරකා මසුන් වැනි අනෙකුත් ජීවීන් බොහෝ විට තම ගුහාව බූවල්ලා බෙදාගන්නේ එක්කෝ ඔවුන් කැණීම් කරුවන් ලෙස පැමිණ ඇති නිසා හෝ අල්ලා ගැනීමෙන් බේරී ඇති බැවිනි.

🐙 විවෘත සාගර වල වෙසෙන බූවල්ලන්ගේ ප්‍රධාන ආහාරය වශයෙන් ඉස්සන්, මාළු සහ අනෙකුත් දැල්ලන් හා කුඩා බූවල්ලන් ආකාර ආහාරයට ගනී.

🐙 ඇතැම් විට වෙනත් බූවල්ලා සමඟ අන්තර්ක්‍රියා කළත් බොහෝ විට හුදකලාව වාසය කරයි.

🐙 සමහර බූවල්ලා විශේෂ රාත්‍රියේදී දඩයම් කරන අතර අනෙක් අය දඩයම් කරන්නේ සවස් යාමයේ සහ අලුයම පමණි.

🐙 බියට පත්වන විට, බූවල්ලා අඳුරු ද්‍රවයක් තීන්ත මඩියෙන් නිකුත් කරයි. මේ නිසා විලෝපිකයන් ව්‍යාකූල තත්වයට පත් කර, බූවල්ලාට පිහිනා ගොස් සැඟවීමට  කාලය ලබා දෙයි.

🐙 බූවල්ලාගේ රුධිරයේ තඹ බහුල ලෙස අඩංගු හීමොසියානින් නම් රුධිර වර්ණකය අඩංගු අතර මේ නිසා බූවල්ලා ගේ  රුධිරයට නිල් පැහැයක් ලබා දෙයි.

🐙 බූවල්ලන්ගේ ප්‍රධාන සතුරන් වනුයේ සීල් මත්ස්‍යයින් , මෝරුන් හා ආදන් ය.

🐙🐙🐙🐙රූප වල කතෘ අයිතිය 

https://images.app.goo.gl/8Cd44nivTsuGka1N6

සතු වේ.